Azərbaycan, Bakı/ Trend müxbir K.Zərbaliyeva/ "Bakıelektrikşəbəkə"nin Nərimanov rayon şöbəsinin üç əməkdaşı bədbəxt hadisə zamanı həlak olub.
Nərimanov rayon prokurorluğundan bazar ertəsi Trend ə bildiriblər ki, hadisə "Bakıelektrikşəbəkə"nin Nərimanov rayon şöbəsinin 215-ci yarımstansiyasında təmir işləri aparılarkən baş verib. Kabellərin təmiri zamanı daş hasar aşıb və "Bakıelektrikşəbəkə"nin üç əməkdaşı - İsa Hacıyev, Elnur Mustafayev və Elmar Nəsibov hadisə zamanı həlak olublar.
Faktla bağlı Nərimanov rayon prokurorluğunda insan ölümü ilə nəticələnən texniki təhlükəsizlik qaydalarının pozulması maddəsi ilə cinayət işi açılıb.