Bakıda sürücü üç piyadanı öldürüb

Azərbaycan, Bakı, 4 sentyabr /Trend/

Bakının Nizami rayonunda ağır yol nəqliyyat hadisəsi baş verib. Bakı Şəhər Baş Polis İdarəsindən bazar günü Trend-ə verilən məlumata görə, sentyabrın 4-də saat 09:30 radələrində Nizami rayonu, Babək prospekti 2224-cü məhəllənin yaxınlığında Keşlə qəsəbə sakini 1979-cu il təvəllüdlü Əzizov Ramin Vilayət oğlu idarə etdiyi "Mersedes" markalı, 90 KU 420 dövlət nömrə nişanlı avtomobillə yolu keçən piyada - Keşlə qəsəbə sakini 1957-ci il təvəllüdlü Şahverdiyeva Svetlana Ağalar qızını vurub. Sonra avtomobil idarəetməni itirib, yolun kənarında dayanan, təxminən 45-50 yaşlı və 25-27 yaşlı, adları məlum olmayan iki piyadanı vurub. Qəza nəticəsində hər üç piyada vəfat edib

Faktla bağlı Araşdırmalar davam etdirilir.