Azərbaycan, Bakı, 7 sentyabr /Trend/
İlkin məlumatlara görə, Rusiyanın Yaroslavl əyalətində qəzaya uğrayan Yak-42 təyyarəsi eniş-uçuş zolağından ayrılıb, lakin lazımi yüksəkliyə qalxa bilməyərək zolağın sonundakı mayak anteninə dəyib, sonra yerə düşərək parçalanıb və yanıb. Trend-in məlumatına görə, bu barədə "Praym" agentliyi Rusiya aviasiyasına istinadən xəbər verib.
"Hələ ki, məlumat belədir", - Ria Novostinin yazdığına görə, idarədən bildiriblər.
Son məlumatlara görə, Yaroslavl-Minsk reysi üzrə hərəkət edən təyyarədə 45 nəfər, o cümlədən Yaroslavlın hokkey komandası "Lokomotiv"in əsas heyətinin üzvləri olub. Rusiya FHN-in məlumatına görə, onlardan yalnız iki nəfər sağ qalıb.