Azərbaycan, Bakı, 21 sentyabr /Trend, müxbir E.Mehdiyev/
Masallıda keçirilən beynəlxalq tədbiri pozmaq istəyənlərin evindən qumbara və qanunla qadağan olunmuş dini kitablar aşkarlanıb.
Trend-in cümə günü DİN-in rəsmi saytına istinadən verdiyi məlumata görə, Masallı RPŞ və rayon prokurorluq əməkdaşlarının həyata keçirdikləri əməliyyat tədbirləri nəticəsində sentyabrın 8-də Masallı şəhərindəki Gənclər Mərkəzində keçirilən "Masallı Folklor-2012 Beynəlxalq Festivalı" zamanı tədbiri pozduqlarına və polis əməkdaşına xəsarət yetirdiyinə görə saxlanılmış Araz Quliyevin, Xalid Kazımovun və Rza Ağalının evlərinə baxış zamanı 2 ədəd qumbara, 1 kiloqram 975 qram tiryək və qanunla qadağan olunmuş dini kitablar və broşuralar aşkar edilərək götürülüb.