Azərbaycan, Bakı, 18 dekabr /Trend, müxbir T.Cəfərov/
İranın Təbəs (Tabas) şəhərinin "Yal Şimali" (Şimal dağları) daş kömür mədənində bu gün səhər yerli vaxtla saat 04:00 radələrində partlayış baş verib.
Trend-in ILNA xəbər agentliyinə istinadən verdiyi məlumata görə, partlayış nəticəsində 3 nəfər həlak olub, 8 nəfər isə tunelin dağıntıları altında qalıb.
Hələlik dağıntılar altında qalan fəhlələrin vəziyyəti ilə bağlı məlumat yoxdur.
Axtarış-xilasetmə işləri davam etdirilir.