Azərbaycan, Bakı, 4 iyun /Trend, müxbir İ.İzzət/
İyunun 3-də axşam saatlarında Azərbaycanın bəzi şəhər və rayonlarında güclü qərb küləyi qeydə alınıb. Trend-in FHN-nin rəsmi saytına istinadən verdiyi məlumata görə, Gəncə şəhərində və Şəmkir rayonunda küləyin sürəti saniyədə 40 metrə çatıb.
İlkin məlumata görə, Fövqəladə Hallar Nazirliyinin Aran, Şimal-qərb və Gəncə Regional Mərkəzlərinin əhatə etdiyi ərazidə müxtəlif təsərrüfat obyektlərinə və infrastrukturlara ziyan dəyib. Hazırda müvafiq komissiyalar yerlərdə dəymiş ziyanı müəyyənləşdirir.