Azərbaycan, Bakı, 28 avqust /Trend, müxbir İ.İzzət/
Bakıda Ordubad sakinini qətlə yetirməkdə şübhəli bilinən Xaçmaz sakini tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, avqustun 27-də Baş Polis İdarəsinin Cinayət-Axtarış İdarəsi, Nərimanov Rayon Polis İdarəsinin Cinayət- Axtarış Şöbəsi və 17-ci Polis Bölməsinin əməkdaşlarının keçirdiyi əməliyyat tədbirləri nəticəsində Ordubad rayon sakini Rasim Nağıyevin qətlində şübhəli bilinən Xaçmaz rayon sakini əvvəllər məhkum olunmuş Zöhrab Əsgərov tutulub.
Qeyd edək ki, iyunun 20-də Bakıda, Nərimanov rayonu Daş karxanası küçəsində çoxsaylı bıçaq xəsarətləri ilə Rasim Nağıyevin meyiti aşkar edilmişdi.