Azərbaycan, Bakı, 28 oktyabr /Trend/
Sumqayıtda yol-nəqliyyat hadisəsi baş verib.
Trend Fövqəladə Hallar Nazirliyinin rəsmi saytına istinadən məlumat verir ki, Sumqayıt şəhərində "Mercedes" markalı minik avtomobili səkiyə çırpılıb. Dərhal hadisə yerinə FHN-in müvafiq xilasetmə qüvvələri cəlb olunublar. Hadisə yerində əməliyyat şəraiti qiymətləndirilərkən məlum olub ki, sürücü 1991-ci təvəllüdlü Elvin Faiq oğlu Qənbərov hadisə yerində vəfat edib.
Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə deformasiyaya uğramış avtomobildən E.Qəmbərovun meyitini çıxararaq aidiyyəti üzrə təhvil veriblər.