Azərbaycan, Bakı, 30 dekabr /Trend/
Ötən gün Azərbaycanda baş vermiş yol qəzalarında ölüm faktı qeydə alınmayıb.
Trend Daxili İşlər Nazirliyinin rəsmi saytına istinadən məlumat verir ki, dekabrın 29-da respublikanın avtomobil yollarında 8 yol-nəqliyyat hadisəsi baş verib, nəticədə 10 nəfər yaralanıb.
Daxili işlər orqanları tərəfindən ötən gün ərzində 57 cinayət faktı qeydə alınıb, onların da 15-i "isti izlər"lə açılıb. Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 2 fakt müəyyən edilib.
Cinayət Məcəlləsinin müxtəlif maddələri ilə axtarılan 11 nəfər tutularaq istintaq orqanlarına təhvil verilib. Cinayət törətdiklərinə görə 17 nəfər tutulub.