Azərbaycan, Bakı, 22 yanvar /Trend, müxbir İ.İzzət/
Bakıda şadlıq evinin səsgücləndirici avadanlıqlar oğurlanıb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə,
yanvarın 20-nə keçən gecə, Bakı şəhər sakini Seyran Ağazadəyə məxsus Xoyski küçəsində yerləşən şadlıq evindən, mətbəxin plastik qapısını sındırmaq yolu ilə zaldan səsgücləndirici avadanlıqlar oğurlanıb. Nərimanov Rayon Polis İdarəsi Cinayət-Axtarış Şöbəsinin cinayət-axtarış qrupu əməkdaşlarının keçirdiyi əməliyyat tədbirləri nəticəsində oğurluqda şübhəli bilinən iki nəfər tutulub. Bunlar Bakı şəhər sakinləri Cəsur Hüseynov və Ceyhun Ağalarov olublar.
Faktla əlaqədar cinayət işi açılıb, istintaq aparılır.