Azərbaycan, Bakı, 5 iyun /Trend, müxbir E.Mehdiyev/
Bakıda iki sərnişin avtobusunun toqquşması nəticəsində xəsarət alan 12 nəfərdən ikisinin vəziyyəti ağırdır. Bu barədə Trend-ə Bakı şəhər Təcili və Təxirəsalınmaz Tibbi Yardım Stansiyasından məlumat verilib.
Xəsarət alanlardan 8 nəfəri 3 saylı Sabunçu klinik xəstəxanasında, 2-si Klinik Tibbi Mərkəzdə yerləşdirilib, digər iki nəfəri isə yerində tibbi yardım göstərilməklə buraxılıb.
Qeyd edək ki, bu gün səhər saatlarında metronun Qara Qarayev stansiyasının yaxınlığında 1 və 36 saylı marşrut avtobusları toqquşub.