Azərbaycan, Bakı, 3 iyul /Trend, müxbir İlkin İzzət/
Ağdaş rayonunda Azərbaycan və Gürcüstan vətəndaşlarının idarə etdiyi avtomobillərin toqquşması ölümlə nəticələnib.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, iyulun 3-də saat 03 radələrində Ağdaş rayonu ərazisində Gürcüstan vətəndaşı Adil Nazarovun idarə etdiyi "Ford" və Ucar rayon sakini Fərman Nağıyevin idarə etdiyi "VAZ-2101" markalı avtomobillər toqquşub. A.Nazarovun sərnişini - Sumqayıt şəhər sakini Ələddin Osmanov və "VAZ-2101"ın sürücüsü F.Nağıyev xəstəxanaya yerləşdiriliblər. Həkimlərin səyinə baxmayaraq, F.Nağıyev orada ölüb.
Faktla əlaqədar BDYPİ tərəfindən araşdırma aparılır.