Azərbaycan, Bakı, 8 dekabr /Trend, müxbir Elçin Mehdiyev/
Noyabr ayı ərzində Azərbaycanda 3,542,127 kvadratmetr ərazi yoxlanılıb, mina və partlamamış hərbi sursatdan (PHS) təmizlənib.
Azərbaycan Respublikası Ərazilərinin Minalardan Təmizlənməsi üzrə Milli Agentlikdən Trend-ə verilən məlumata görə, ötən ay 57 PHS və 1 ədəd tank əleyhinə mina aşkar edilərək zərərsizləşdirilib.
Əməliyyatlarda 484 nəfər minaaxtaran mütəxəssis və 118 nəfər yardımçı heyət, həmçinin 6 mexaniki minatəmizləmə maşını və 36 minaaxtaran it iştirak edir.
İndiyədək cəmi 276,191,346 kvadratmetr ərazi təmizlənib. Tapılıb zərərsizləşdirilmiş mina və PHS-lərin sayı 690,845-dir.
Agentlik tərəfindən təmizləmə əməliyyatları Ağdam, Ağcabədi, Ağstafa, Füzuli, Qazax, Xocavənd, Şəmkir, Tərtər rayonlarında, eyni zamanda Bakının Qaradağ rayonunun Səngəçal qəsəbəsində davam etdirilir.
2014-cü ilin noyabr ayı ərzində 1 mina/PHS hadisəsi qeydə alınıb.