Azərbaycan, Bakı, 19 avqust /Trend, müxbir Elmir Murad/
Sumqayıtda quyuya düşən bir nəfər xilas olunub.
Fövqəladə Hallar Nazirliyindən Trend-ə verilən məlumata görə, hadisə yerində əməliyyat şəraiti qiymətləndirilərkən məlum olub ki, vətəndaş dərinliyi 6 m olan quyuya düşüb.
Xilasedicilər vətəndaşı quyudan çıxararaq aidiyyəti üzrə təhvil veriblər. Əməliyyat gecə saat 01:52-də başa çatıb.