Azərbaycan, Bakı, 28 sentyabr /Trend, müxbir İlkin İzzət/
İmişli rayon sakini hədə-qorxu gəlməklə pul alarkən tutulub.
Daxili İşlər Nazirliyindən (DİN) Trend-ə verilən məlumata görə, Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində İmişli rayon sakini, əvvəllər məhkum olunmuş Elnur Təmrazov Bakı şəhər sakini S.H-ya (qadın) barəsində rüsvayedici məlumatlar yayacağı ilə hədə-qorxu gəlib ondan 1200 ABŞ dolları alarkən tutulub.
Faktla bağlı cinayət işi başlanıb, araşdırma gedir.