Bakı. Samir Əli - Trend:
Bu gün Bakı Ağır Cinayətlər Məhkəməsində dələduzluqda təqsirləndirilən "Xudafərin" MMC-nin vəzifəli şəxsləri - Ramiz Quluzadə, Emin Gül, Nicat Məmmədov, Cavid Qurbanov və cinayət işi üzrə məhkəmə prosesi başlayıb.
Trend-in məlumatına görə, hakim Əfqan Hacıyevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.
Təqsirləndirilən şəxslərin vəkilləri cinayət işi ilə tanış olmaq üçün məhkəmədən vaxt istəyib.
Məhkəmə iş üzrə hazırlıq iclasını aprelin 27-nə təyin edib.
İttihama görə, "Xudafərin" Məhdud Məsuliyyətli Cəmiyyətin vəzifəli şəxsləri - Ramiz Quluzadə, Nicat Məmmədov, Emin Gül və Cavid Qurbanova qarşı Cinayət Məcəlləsinin 178.3.2 (dələduzluq; külli miqdarda törədildikdə), 308.2 (vəzifə səlahiyyətlərindən sui-istifadə) maddələri ilə ittiham olunur.