Bakı. Trend:
Gədəbəydə qaynatası və baldızı tərəfindən döyülən gəlinin və uşağının vəziyyəti məlum olub.
TƏBİB-dən Trend-in sorğusuna cavab olaraq bildirilib ki, 11.04.2025-ci il tarixində saat 13:40 radələrində 2 nəfər (qadın cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.
"1983-cü il təvəllüdlü şəxsə dizin və çiyinin əziyi, 2007-ci il təvəllüdlü şəxsə isə üz nahiyəsinin əziyi diaqnozları təyin edilib.
Hər 2 pasiyentə zəruri tibbi yardım göstərilib. Vəziyyətləri stabil qiymətləndirilən şəxslər ambulator müalicə üçün evə buraxılıblar",- deyə məlumatda qeyd edilib.
XXX
14:45
Gədəbəydə gəlinin və övladının qaynatası və baldızı tərəfindən döyülməsi hadisəsi ilə bağlı araşdırma aparılır.
Bu barədə Trend-in sorğusuna cavab olaraq Daxili İşlər Nazirliyinin (DİN) mətbuat xidmətinin Gəncə regional qrupunun baş inspektoru Eşqin Qasımov məlumat verib.
O bildirib ki, hadisə ilə bağlı Gədəbəy Rayon Polis Şöbəsində araşdırma aparılır, ekspertiza təyin olunub.
"Araşdırmanın sonunda məsələyə hüquqi qiymət veriləcək"- deyə o əlavə edib.
XXX
14:25
Gədəbəydə döyülmə faktı qeydı alınıb.
Trend-in əldə etdiyi məlumata görə, hadisə rayonun Söyüdlü kəndində qeydə alınıb.
Belə ki, 1983-cü il təvəllüdlü İ.Mürsəlova və övladı 2007-ci il təvəllüdlü N.Mürsəlova döyülərək xəsarət alıb və xəstəxanaya yerləşdiriliblər.
Faktla bağlı araşdırma aparılır.