...

Vyanada qarşılıqlı etibarın möhkəmlənməsi mexanizmlərinin işlənməsi üçün Ermənistan-Azərbaycan forumu keçiriləcək

Ermənistan-Azərbaycan münaqişəsi Materials 6 Mart 2009 18:12 (UTC +04:00)

Azərbaycan, Bakı, 06 mart / Trend , müxbir E.Rüstəmov /

"Təhlükəsizlik: çağırışlar və imkanlar, eləcə də etibarın yaranması üçün mexanizmlər" mövzusunda 24-27 martda Vyanada International Alert (Beynəlxalq Həyəcan) təşkilatının vasitəçiliyi ilə Ermənistan-Azərbaycan forumu keçiriləcək", - cümə günü Trend -a elektron poçt vasitəsi ilə təşkilatın Avrasiya proqramı üzrə meneceri Desislava Rusanova bildirib.

Forum, Consortium Initiative-nin (Konsorsium Səyləri) tərəfdaşı olan International Alert təşkilatının səyləri nəticəsində 2003-cü ildə başlayan qarşılıqlı etibarın bərpası prosesi çərçivəsində keçiriləcək. Forumun iştirakçıları Ermənistanla Azərbaycanın vətəndaş cəmiyyəti liderləri, ekspertlər və hər iki tərəfin ziyalılarından ibarət nümayəndələr olacaq.

İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. 1991-ci ilin dekabrında, Şuşa və Xocalı istisna olmaqla, Dağlıq Qarabağ Azərbaycanın nəzarətindən çıxıb. 1992-1993-cü illərdə Şuşa, Xocalı və Dağlıq Qarabağa bitişik yeddi rayon işğal olunub. 1994-cü ilin mayında tərəflər atəşkəs rejiminə dair razılaşma əldə ediblər və o vaxtdan bəri, ATƏT-in Minsk Qrupunun himayəsi altında, Rusiya,  Fransa və ABŞ-ın həmsədrliyi ilə, hələ də nəticəsiz sülh danışıqları aparılır.

"Forumun işi zamanı iştirakçılar ümumi ideyaların, mexanizmlərin və cəmiyyətlərarası qarşılıqlı etibarın güclənməsi üçün tədbirlərin işlənməsinə çalışacaqlar", - Rusanova deyib.  

Ekspertin sözlərinə görə, forumun məqsədi Azərbaycan və Ermənistan ictimaiyyətləri arasında qarşılıqlı etibar yaradacaq mühitin əldə olunmasıdır.

Öncələr bu xətt üzrə iki forum keçirilib: 2008-ci ilin may ayında İstanbulda və 2008-ci ilin oktyabr ayında Brüsseldə.

Məqalə müəllifi ilə əlaqə ünvanı: [email protected]

Xəbər lenti

Xəbər lenti