Erməni hərbiçilər 10 istiqamətdə atəşkəsi pozublar

Azərbaycan, Bakı, 3 may / Trend müxbir K.Zərbalıyeva/

Azərbaycan-Ermənistan qoşunlarının təmas xəttində atəşkəs 10 istiqamətdə pozulub.

Azərbaycan Müdafiə Nazirliyinin mətbuat xidmətindən Trend-ə verilən məlumata görə, Ermənistan Silahlı Qüvvələrinin bölmələri mayın 2-də saat 18.45-dən 18.50-dək Ermənistan Respublikasının Berd rayonunun ərazisindəki adsız yüksəkliklərdə yerləşən mövqelərdən Tovuz rayonunun Qaralar kəndində yerləşən mövqeləri, saat 23.15-dən 23.20-dək Ermənistan Respublikasının Noyenberyan rayonunun Voskevan kəndində yerləşən mövqelərdən Qazax rayonunun Quşçuayrım kəndi yaxınlığında yerləşən mövqeləri, saat 18.00-dan 18.10-dək və mayın 3-də 01.10-dan 01.35-dək Füzuli rayonunun Aşağı Seyidəhmədli, Horadiz, Aşağı Əbdülrəhmanlı və Qorqan kəndləri yaxınlığında yerləşən mövqelərdən, saat 00.20-dən 00.30-dək və 00.35-dən 01.10-dək Tərtər rayonunun Qızıloba və Göyarx kəndləri yaxınlıgında yerləşən mövqelərdən, saat 00.45-dən 00.50-dək və 01.05-dən 01.30-dək Xocavənd rayonunun Kuropatkino kəndi yaxınlıgında və adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.

Düşmən cavab atəşi ilə susdurulub.