Azərbaycan, Bakı, 6 avqust/Trend/
Ermənistanın müdafiə naziri Seyran Ohanyan və Böyük Britaniyanın bu ölkədəki səfiri Ketrin Liç Azərbaycan və Ermənistan qoşunlarının təmas xəttindəki vəziyyəti müzakirə ediblər. Bu barədə Trend çərşənbə günü "news.am"a istinadən məlumat verir.
Tərəflər gərginliyin artmasından narahatlıqlarını ifadə ediblər və vəziyyətin sabitləşməsinin zəruriliyini qeyd ediblər. Hər iki tərəf bir daha təsdiq edib ki, münaqişə ATƏT-in Minsk qrupu çərçivəsində yalnız danışıqlar yolu ilə həll olunmalıdır.