Rusiya, Moskva, 27 fevral / Trend , müxbir R.Ağayev / Kosovo məsələsi və Dağlıq Qarabağ nizamlanması baxmayaraq ki, bəzi ümumi xüsusiyyətlərə malikdir, lakin mahiyyətcə fərqlidirlər - amerikalı ekspert Nikolay Zlobin hesab edir.
"Kosovo və postsovet münaqişələri arasında bəzi ümumi xüsusiyyətlər var, lakin onlar yüz faizlik uyğun gəlmirlər. Kosovonun hər hansı ölkənin tabeliyinə keçməməsi və beynəlxalq ictimaiyyətin qəbul etməsi ilə yeni müstəqil dövlət yaratmaq cəhdi xüsusi önəmlidir. Söhbət anneksiya və ya Albaniyaya birləşmədən getmir" - çərşənbə günü Vaşinqtondakı Dünya Təhlükəsizlik İnstitutunun Rusiya və Asiya proqramları üzrə direktoru Zlobin Trend a müsahibəsində deyib.
Ötən həftə Kosovo Parlamenti "Axtisaari planı"nın həyata keçirilməsinə yönələn bütün qanun paketinin qəbul edilməsinə imkan verən qətnamə qəbul edib. Bu plana əsasən, ölkə beynəlxalq nəzarət altında müstəqillik, Kosovonun serb azlıqları isə - geniş müxtariyyat alır. Erməni-Azərbaycan münaqişəsinin mahiyyəti isə - Azərbaycanın Dağlıq Qarabağ regionunun erməni icmasının müstəqillik almaq və gələcəkdə Ermənistana birləşməsindən ibarətdir.
Axtisaari planına əsasən, Kosovonun Albaniyaya birləşməsi qadağan edilir - ekspert deyib. "Yəni burda söhbət bir dövlətin digər dövlətin, onun ərazisinin hesabına yaranmasınadan gedir, buna görə də bu "presedent" heç bir formada nə Dağlıq Qarabağda, nə də digər postsovet münaqişələrdə işləməyəcək" - analitik hesab edir.
Fevralın 17-də Kosovo Parlamenti yekdilliklə ölkənin müstəqilliyi haqqında Bəyannaməni elan edib. Belqrad ölkənin müstəqilliyinin elan edilməsinin qanunsuz olması haqqında akt qəbul edib və beynəlxalq ictimaiyyəti bunu "beynəlxalq hüquqa zidd olduğu üçün ləğv etməyə" çağırıb. Kosovonun müstəqilliyini artıq 30 ölkə tanıyıb.
İki Cənubi Qafqaz ölkəsiarasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994-cü ilin mayında tərəflər atəşkəs rejiminə dair razılaşma əldə ediblər və bu günə kimi ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ ki nəticəsiz sülh danışıqları aparılır.
