Azərbaycan, Bakı, 05 mart / Trend , müxbir K.Ramazanova/ ATƏT-in Gürcüstandakı missiyası Kvemo-Kartli regionunda yaşayan azərbaycanlıların gürcü dilini öyrənmələrini yaxşılaşdırmaq üçün yardım göstərəcək. Bu barədə təşkilatın çərşənbə günü yayılan məlumatında bildirilir.
"Bu layihə yerli əhalinin cəmiyyətə inteqrasiyasına olan məneələri aradan qaldırmağa kömək edəcək" - deyə ATƏT-in Gürcüstanda demokratikləşmə üzrə missiyasının rəhbəri Lola Ansed bildirib.
ATƏT-in layihəsində 73 nəfər iştirak edəcək. Layihə iştirakçıları kompüter biliklərinə yiyələnəcək, gürcü və ingilis dillərini öyrənəcək və etnik azlıqların hüquqları və vətəndaş öhdəliyinə həsr olunmuş mühazirələrdə iştirak edəcəklər.
