...

Müxalifət partiyası nazirliklərə müraciət edib

Siyasət Materials 10 Aprel 2008 12:00 (UTC +04:00)

Azərbaycan, Bakı, 10 aprel / Trend , müxbir S.İlhamqızı/ Müxalifətçi Azərbaycan Milli İstiqlal Partiyası (AMİP) aprelin 20-də keçiriləcək qurultayına yer ayrılması üçün bu gün Milli Təhlükəsizlik Nazirliyinə və Mədəniyyət və Turizm Nazirilyinə müraciət edib. Bu barədə Trend a AMİP-dən məlumat verilib.

AMİP-in aprelin 20-də növbədənkənar qurultayı keçiriləcək. Partiya Bakı Şəhər İcra Hakimiyyətinə (BŞİH) müraciət edərək qurultayın ya Şəhriyar adına Mədəniyyət Mərkəzində, ya da Rəşid Behbudov adına Mahnı Teatrında keçirilməsinə icazə verilməsini istəmişdi.

Lakin dünən Bakı Şəhər İcra Hakimiyyətindən AMİP-ə verilən cavab məktubunda bildirilib ki, Şəhriyar adına Mədəniyət Mərkəzi Milli Təhlükəsizlik Nazirliyinin, Rəşid Behbudov adına Mahnı Teatrı isə Mədəniyyət və Turizm Nazirilyinin tabeliyindədir. Ona görə də BŞİH AMİP-ə tövsiyə edib ki, partiya həmin nazirliklərə müraciət etsin.

AMİP bu gün sözügedən dövlət orqanlarına məktubla müraciət edib.

"Əgər hər iki nazirlik göstərdiyimiz obyektlərdə qurultay keçirməyə razılıq verməsə, məcbur olub özəl obyektlər axtaracağıq"-deyə AMİP-in mətbuat və təbliğat katibi Əli Orucov bildirib.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti