Azərbaycan, Bakı, 15 oktyabr/ Trend , müxbir Ü.Sadıqova/Misirdə rəsmi qeydə alınmış Azərbaycan vətəndaşlarının 42 faizi seçki məntəqəsinə gələrək səs verib.
"Azərbaycan seçicilərinin ümumi sayı 113 nəfər olub ki, onların da hazırda 42 faizi səs verib", - çərşənbə günü Trend - a Qahirədən Azərbaycanın Misirdəki səfiri Faiq Bağırov deyib.
Diplomatın sözlərinə görə, səs verənlərin əksəriyyəti tələbələr və səfirliyin işçiləri, eləcə də Misirdə daimi yaşayan respublika vətəndaşlardır.
Oktyabrın 15 - də Azərbaycanda prezident seçkiləri keçirilir. Prezident seçkisində yeddi namizəd - Yeni Azərbaycan Partiyasının (YAP) sədri, indiki dövlət rəhbəri İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu , Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edir.