Ukrayna, Kiyev, 20 noyabr/ Trend , müxbir Z.Novosvitski/ GUAM - a üzv ölkələrin milli koordinatorlarının bugünkü iclası təşkilatın Katibliyinin Kiyevdə Nezalejnost Maydanında (Müstəqillik Meydanı) yerləşən yeni binasında keçirilir.
"Binanın rəsmi açılışı olmasa da, GUAM Katibliyinin struktur bölmələri artıq burada işləyirlər, - GUAM Katibliyindən Trend -a izah ediblər. - Bugünkü iclas isə, iş qaydasında keçir".
2008 - ci ilin əvvəlində GUAM-ın Baş katibi Valeri Çeçelaşvili bəyan edib ki, cari ilin mayında xarici işlər nazirlərinin iştirakı ilə GUAM Katibliyinin yeni binasının inaqurasiyası baş tutmalıdır.
Milli koordinatorların bugünkü iclasının əsas məsələsi "Demokratiya və iqtisadi inkişaf uğrunda təşkilat- GUAM"a üzv ölkələrin XİN rəhbərlərinin görüşünə hazırlıqdır. Nazirlərin görüşü dekabrın 4 -5 - də Helsinkidə keçiriləcək.
Azərbaycanı milli koordinatorların görüşündə xarici işlər nazirinin müavini Araz Əzimov təmsil edəcək.
GUAM-ın formatı 1997- ci ildə Strasburqda Avropa İttifaqının dövlət başçılarının Sammiti zamanı postsovet dövlətləri tərəfindən yaradılıb. 1999 - cu ildə Özbəkistan bu formata daxil olsa da, dörd il sonra onu tərk edib. 2006 - cı ildə Kiyevdə ilk sammit zamanı GUAM-ın beynəlxalq təşkilat və "Demokratiya və iqtisadi inkişaf uğrunda təşkilat -- GUAM" kimi elan olunması haqda qərar qəbul olunub.
Müəlliflə əlaqə saxlamaq üçün elektron ünvan - trend