Azərbaycan, Bakı, 11 mart / Trend , müxbir N.Abdullayeva /
Rumıniyanın xarici işlər naziri Kristian Dyakoneskunun Bakıya səfəri zamanı Azərbaycan və Rumıniya arasında ikitərəfli və regional əməkdaşlığın perspektivləri müzakirə olunacaq. Bu barədə çərşənbə günü Trend -a Azərbaycanın Buxarestdəki səfirliyinin müşaviri Tural Rzayev məlumat verib.
Rumıniyanın xarici işlər nazirinin Azərbaycana səfəri aprelin əvvəllərinə planlaşdırılıb.
Rzayev bildirib ki, səfər zamanı regional münasibətlər, beynəlxalq təşkilatlarda dəstək, Rumıniyanın Azərbaycanın Avropa strukturlarına inteqrasiyasına yardımı kimi məsələlərin müzakirəsi planlaşdırılır.
Fevralda Azərbaycanda NATO üzrə əlaqələndirmə Türkiyə səfirliyindən Rumıniyanın Bakıdakı səfirliyinə keçib. Rumıniya bu vəzifəni iki il ərzində icra edəcək.
Səfir bildirib ki, səfər tarixi diplomatik kanallar vasitəsi ilə dəqiqləşdirilir.
Azərbaycan Dövlət Statistika Komitəsinin məlumatına görə, 2008-ci il ərzində Azərbaycan və Rumıniya arasında mal dövriyyəsi 201,5 mln. dollar təşkil edib ki, bu məbləğin 161,1 mln. dolları Azərbaycandan Rumıniyaya ixracın, 40,4 mln. dolları isə Rumıniyadan idxalın payına düşüb.
Məqalə müəllifi ilə əlaqə ünvanı: [email protected]