Azərbaycan, Bakı, 24 dekabr / Trend , muxbir K.Zərbalıyeva/
Azərbaycan Əfqanıstanda xidmət edən hərbçilərin sayını artıra bilər, Trend -un məlumatına görə, bunu cümə axşamı jurnalistlərə Azərbaycan Parlamentinin I vitse-spikeri Ziyafət Əsgərov bildirib.
NATO xarici işlər nazirlərinin son toplantısında Əfqanıstanda hərbçilərin sayının artırılması təklifi ilə çıxış etmişdi.
Əsgərov deyib ki, Əfqanıstanda Azərbaycan hərbçilərinin sayının artırılması ilə bağlı hələki müraciət daxil olmayıb.
"Müraciət olunarsa, Azərbaycan hərbçilərinin Əfqanıstanda sayının artırılması məsələsinə baxıla bilər", - I vitse-spiker əlavə edib.
Azərbaycan Silahlı Qüvvələrinin Əfqanıstanda Beynəlxalq Təhlükəsizliyə Yardım Qüvvələrinin strukturunda 90 sülhməramlısı xidmət edir.