Azərbaycan, Bakı, 22 iyun /Trend, müxbir S.Ağayeva/
Azərbaycanın rəsmi şəxslərinin ABŞ-a dəvət olunması haqqında məsələ müzakirə edilməyib və xarici işlər naziri Elmar Məmmədyarovun Vaşinqtona bu yaxınlardakı səfərinin gündəliyinə daxil olmayıb. Trend-in məlumatına görə, bu barədə Azərbaycan XİN-in rəsmi nümayəndəsi Elxan Poluxov çərşənbə günü məlumat verib.
"Bu məsələ ümumiyyətlə nazirin Vaşinqtondakı görüşlərinin gündəliyində yer almayıb", - Poluxov bildirib.
Bəzi erməni KİV-lərində Azərbaycanın xarici işlər nazirinin ABŞ-a səfəri zamanı Azərbaycanın rəsmi şəxslərinin ABŞ-a rəsmi səfər etmək üçün dəvət almaq istəklərini Vaşinqtonun diqqətinə çatdırması barədə məlumat dərc olunub.