Azərbaycan, Bakı, 14 fevral /Trend/
Azərbaycan Prezidenti İlham Əliyev Serbiya Respublikasının Prezidenti Boris Tadiçə təbrik məktubu ünvanlayıb.
"Serbiya Respublikasının milli bayramı - Dövlətçilik günü münasibətilə Sizi və bütün xalqınızı öz adımdan və Azərbaycan xalqı adından ürəkdən təbrik edirəm.
Ümidvaram ki, Azərbaycan-Serbiya münasibətlərinin inkişafı yolunda səylərimiz bundan sonra da əlaqələrimizin hərtərəfli genişlənməsinə, dostluq və əməkdaşlığımızın möhkəmlənməsinə xidmət edəcəkdir", - təbrikdə deyilir.
İlham Əliyev Boris Tadiçə möhkəm cansağlığı, işlərində uğurlar, dost Serbiya xalqına sülh və firavanlıq arzulayıb.