...

MSK-nın bəzi dairə seçki komissiyalarının tərkibində dəyişikliklər edilib

Siyasət Materials 5 İyun 2013 17:43 (UTC +04:00)
Bu gün Məzahir Pənahovun sədrliyi ilə Mərkəzi Seçki Komissiyasının iclası keçirilib.
MSK-nın bəzi dairə seçki komissiyalarının tərkibində dəyişikliklər edilib

Azərbaycan, Bakı, 5 iyun /Trend, müxbir E.Mehdiyev/

Bu gün Məzahir Pənahovun sədrliyi ilə Mərkəzi Seçki Komissiyasının iclası keçirilib.

Trend-in məlumatına görə, əvvəlcə iclasda Komissiyanın 29 may 2013-cü il tarixli iclas protokolu səsə qoyularaq yekdilliklə təsdiq edilib.

İclasda MSK katibi Arifə Muxtarova MSK-nın normativ xarakterli bəzi aktları haqqında məlumat verib. Aktlar müzakirə olunduqdan sonra səsə qoyularaq təsdiq edilib.

Daha sonra iclasda 13 saylı Xəzər-Pirallahı dairə seçki komissiyasının, 14 saylı Xəzər dairə seçki komissiyasının və 102 saylı Samux-Şəmkir dairə seçki komissiyasının tərkibinə dəyişikliklər edilib.

MSK-nın iclasında cari məsələlərə baxılıb, o cümlədən seçki günü səsvermə məntəqələrində veb-kameraların quraşdırılması müzakirə olunub və veb-kameraların sayının artırılmasının vacibliyi vurğulanıb. Eyni zamanda, seçki kabinələrinin şəffaf rəngdə olması təklif olunub.

Məqalədə:
Xəbər lenti

Xəbər lenti