Azərbaycan, Bakı, 13 iyul /Trend, müxbir A.Tağıyeva/
Livanın "Hizbullah" hərəkatının yaraqlıları Suriyanı tərk etməlidirlər. Trend-in "Haber7" qəzetinə istinadən verdiyi məlumata görə, bu barədə Türkiyənin xarici işlər naziri Əhməd Davudoğlu iranlı həmkarı Əli Əkbər Salehi ilə görüşü zamanı bildirib.
Davudoğlunun sözlərinə görə, "Hizbullah" yaraqlıları da daxil olmaqla xarici qüvvələr Suriyada rejimin tərəfində vuruşurlar.
Nazir bildirib ki, Suriyanın Kusayr vilayətindəki qətliamı məhz "Hizbullah" yaraqlıları törədiblər: "Məlumdur ki, Suriya böhranının həll olunması üçün ilk növbədə xarici qüvvələrin nümayəndələri Suriyanı tərk etməlidir".