Azərbaycan, Bakı, 28 avqust /Trend, müxbir S.Ağayeva/
Hərbi-texniki əməkdaşlığın genişləndirilməsi, hərbi kadrların hazırlanması və sülhməramlı əməliyyatlarda əməkdaşlıq məsələləri Sloveniyanın müdafiə naziri Roman Yakiçin Azərbaycana avqusutun 29-da edəcəyi səfər zamanı müzakirə ediləcək əsas mövzulardır. Bu barədə Trend-ə açıqlamasında Sloveniyanın Azərbaycandakı konsulu Borut Mequşar bildirib.
Səfər Azərbaycanın müdafiə naziri Səfər Əbiyevin dəvəti əsasında baş tutacaq.
Həmçinin səfər çərçivəsində Yakiçin Azərbaycanın digər yüksəkvəzifəli rəsmi şəxsləri ilə görüşləri gözlənilir.