Azərbaycan, Bakı, 23 may /Trend, müxbir S.Əhmədova/
"Azərbaycan Avropa Şurasının konvensiyalarının çoxunu ratifikasiya edib və bu münasibətlə mən ölkəni təbrik edirəm". Trend-in məlumatına görə, bunu Bakıda keçirdiyi mətbuat konfransında AŞPA sədri Ann Brasör deyib.
A.Brasör Azərbaycanın ərazi bütövlüyünü dəstəkləyən qətnamələrə toxunaraq bildirib ki, Avropa Şurasına üzv olan hər bir ölkənin ərazi bütövlüyünün qorunması əsas məqsədlərdəndir: "Bu təkcə Azərbaycana yox, digər ölkələr də aiddir".
Onun sözlərinə görə, Azərbaycanda insan hüquqları, sərbəst toplaşma kimi sahələrdə problemlər mövcuddur.
Ann Brasör bildirib ki, AŞPA Monitorinq Komitəsinin hesabatında Azərbaycanda siyasi məhbuslar məsələsinə toxunulub.