Prezident İlham Əliyevə təbriklər gəlməkdə davam edir

Prezident İlham Əliyevə təbriklər gəlməkdə davam edir

Bakı. Trend:

Prezident İlham Əliyevə doğum günü münasibətilə təbriklər gəlməkdə davam edir.

Bolqarıstan Respublikasının Baş naziri Boyko Borisovdan:

"Zati-aliləri.

Doğum gününüz münasibətilə Sizə səmimi təbriklərimi və ən xoş arzularımı çatdırıram.

Bu xoş fürsətdən istifadə edərək bildirmək istərdim ki, Bolqarıstan Respublikası Cənubi Qafqaz regionunda Azərbaycan Respublikasını özünün strateji tərəfdaşı hesab edir. İnanıram ki, ölkələrimiz və xalqlarımızın dostluq münasibətləri sayəsində Bolqarıstan ilə Azərbaycan arasındakı fəal təmaslar, səmərəli əməkdaşlıq dost dövlətlərimiz və xalqlarımızın maraqları naminə daha da inkişaf edəcək.

Sizə möhkəm cansağlığı, rifah və ali dövləti vəzifənizdə uğurlar arzulayıram.

Hörmətli cənab Prezident, ən dərin ehtiramımı qəbul edin".

XXX

Rusiya Federasiyası Federal Məclisi Federasiya Şurasının sədri Valentina Matviyenkodan:

"Hörmətli cənab Prezident.

Rusiya Federasiyası Federal Məclisi Federasiya Şurası adından və şəxsən öz adımdan doğum gününüz münasibətilə ən səmimi təbriklərimizi qəbul edin.

Siz Vətənə fədakar xidmətin, yüksək peşəkarlığın və fəal vətəndaşlıq mövqeyinin nümunəsisiniz. Azərbaycan Respublikasında aparılan islahatlar, siyasi sabitliyin və milli iqtisadiyyatın möhkəmlənməsi, vətəndaşların rifahının yaxşılaşdırılması kursu - bütün bunlar Sizə həm ölkə daxilində, həm də xaricdə inam qazandırmışdır.

2019-cu ilin aprel ayında Rusiya Federasiyası Federal Məclisi Federasiya Şurasının nümayəndə heyətinin Azərbaycan Respublikasına qarşılıqlı hörmət və qonaqpərvərlik mühitində baş tutmuş səfərini məmnunluqla xatırlayıram. Dövlətlərimiz arasında münasibətlərin parlament meyarlarına və diplomatiyasına göstərdiyiniz daimi diqqət və dəstəyi yüksək qiymətləndirirəm.

Biz Müstəqil Dövlətlər Birliyi məkanında inteqrasiya proseslərinin möhkəmlənməsi üçün Rusiya və Azərbaycanın dostluq və qarşılıqlı anlaşmaya əsaslanan qarşılıqlı fəaliyyətinin bundan sonra da dərinləşməsinə böyük əhəmiyyət veririk.

Hörmətli İlham Heydər oğlu, səmimi qəlbdən Sizə möhkəm cansağlığı və firavanlıq, Azərbaycanın rifahı naminə ali dövləti fəaliyyətinizdə müvəffəqiyyətlər arzulayıram.

Ən yüksək ehtiramımı qəbul edin".

XXX

Qafqaz Beynəlxalq Geotarix və Geosiyasət Araşdırmaları Mərkəzinin prezidenti Quram Marxuliyadan:

"Hörmətli cənab Prezident.

İlk növbədə, Sizi doğum gününüz münasibətilə təbrik edirəm və Azərbaycanı uğurla inkişaf etdirən taleyüklü qərarlar qəbul etdiyinizə görə Sizə dərin minnətdarlığımı bildirirəm.

Sizin vətənpərvərlik və birlik ideallarına sadiqliyiniz, öz Vətəninə görə qürur hissiniz və işıqlı gələcəyə əminliyiniz Azərbaycan dövlətinin davamlı tərəqqisinin və firavanlığının rəhnidir.

Cənab Prezident, Azərbaycanın müstəqil dövlət quruculuğu, siyasi sabitliyin möhkəmlənməsi, yüksək iqtisadi artıma nail olması, qısa müddətdə dünyanın ən dinamik inkişaf edən dövlətləri sırasına qoşulması işində sanballı uğurları Sizin xidmətlərinizdir.

Son üç onillik yeni Azərbaycanın böyük salnaməsinin yalnız müqəddiməsidir, Azərbaycan xalqının həmrəyliyi, sülhün və birliyin möhkəmlənməsi, ölkənin düzgün xarici siyasət kursunun müəyyən edilməsi Azərbaycanı beynəlxalq arenada yeni qələbələrə gətirib. Bütün bu nailiyyətlər asanlıqla yox, mürəkkəb geosiyasi reallıqlar şəraitində qazanılıb.

Azərbaycan təkcə öz gələcəyi uğrunda deyil, həm də öz keçmişi uğrunda mübarizə aparmalı, öz tarixini müdafiə etməli olub. İnformasiya müharibəsi hərbi əməliyyatların ayrılmaz hissəsi olmaqla bərabər, həm də beynəlxalq siyasətin vasitəsi kimi geniş istifadə edilib. Dünyanın bir sıra dillərində onlarca informasiya saytı yaradılıb, bu portallarda Azərbaycan jurnalistikası ön sıralarda gedib və ona həvalə edilmiş işi şərəflə yerinə yetirib.

Bununla yanaşı, Azərbaycanın tarix elmi milli siyasətin və təbliğatın yeni konsepsiyasının həyata keçirilməsində mühüm yer tutub.

Təbliğat silahı dövlətin potensial düşmənə qarşı tətbiq etdiyi üsullar və tədbirlər arsenalında mühüm amildir və milli maraqların təmin edilməsində getdikcə daha əhəmiyyətli rol oynayır. Biz də bu istiqamətdə az da olsa iştirak etmişik və Siz bunu qeyd etmisiniz.

Hörmətli İlham Heydər oğlu, cənab Prezident, göstərdiyiniz böyük diqqətə, bizə Azərbaycan Respublikasının “Diaspor fəaliyyətində xidmətə görə” medalının verilməsinə görə Sizə təşəkkürümü bildirəm. Azərbaycanın bu medalına layiq görülməyim mənim üçün böyük şərəfdir.

Gürcüstan qardaş Azərbaycan xalqının güclü və firavanlaşan dövlət yaradılmasında uğurlarına böyük hörmətlə yanaşır. Cənab Prezident, mən özüm əslən Abxaziyadanam və işğal edilmiş ərazilərin azad olunmasını onilliklər boyu gözləməyin nə demək olduğunu bilirəm. Sizin rəhbərliyinizlə regionda böyük geosiyasi qələbə əldə edilib və bu Qələbə günü Azərbaycan dövlətinin qüdrətinin, möhtəşəmliyinin və qələbəsinin rəmzinə, onun çoxillik tarixinə, zəngin mədəniyyətinə və ənənələrinə görə qürur mənbəyinə çevrilmişdir.

Cənab Prezident, bu xoş fürsətdən istifadə edərək Sizə qarşıdan gələn Yeni il münasibətilə ən səmimi təbriklərimi çatdırır, Sizin timsalınızda qardaş Azərbaycan xalqını təbrik edir, ona yeni qələbələr, firavanlıq və sülh diləyirəm".

XXX

Rusiya Federasiyası Müsəlmanları Ruhani İdarəsinin və Rusiya Müftilər Şurasının sədri Müfti şeyx Ravil Qaynutdindən:

"Hörmətli cənab Prezident.

Doğum gününüz münasibətilə Sizi Rusiya Federasiyası Müsəlmanları Ruhani İdarəsi adından, Rusiya Müftilər Şurası adından və şəxsən öz adımdan səmimi qəlbdən təbrik edirəm. Sizə dualar edərək möhkəm cansağlığı, uzun ömür diləyir və arzu edirəm ki, bütün xeyirxah təşəbbüslərinizdə Uca Allah Sizə yar olsun.

Sizin rəhbərliyinizlə Azərbaycan Respublikasının qazandığı çox mühüm nailiyyətləri bu əlamətdar gündə dərin hörmətlə qeyd edirik. Bu nailiyyətlər sayəsində Azərbaycan xalqı sıx birləşərək, onun gələcəyə inamını və milli şüurunu möhkəmlətmiş çətin sınaqlardan keçməklə özünün siyasi və iqtisadi inkişafında yeni qələbələrə doğru inamla irəliləyir.

Müsəlmanlar bu nailiyyətlər sırasında Azərbaycanın həm İslama, həm də bütün dinlərə münasibətdə ölçülüb-biçilmiş və qayğıkeş dövlət siyasətini yüksək qiymətləndirirlər. Azərbaycan tolerant və monolit cəmiyyətin həqiqi nümunəsinə çevrilib. Bu ölkədə bütün konfessiyalara hörmətlə yanaşılır, bununla da bütün dünyaya nümunə göstərilir.

Hörmətli İlham Heydər oğlu, Uca Allaha dua edərək Sizə və bütün Azərbaycan xalqına firavanlıq və rifah diləyirəm. Amin!".

XXX

Rusiya Rəssamlıq Akademiyasının prezidenti Zurab Seretelidən:

"Möhtərəm İlham Heydər oğlu.

Doğum gününüz münasibətilə ən səmimi təbriklərimi qəbul edin.

Sizə və ailənizə dərin ehtiramımı, möhkəm cansağlığı və firavanlıq, çətin və məsul fəaliyyətinizdə yeni imkanlar və yeni ideyalar arzularımı çatdırmaq fürsətinə görə şadam".

XXX

Beynəlxalq İdman Atıcılığı Federasiyasının prezidenti Vladimir Lisindən:

"Hörmətli cənab Prezident Əliyev.

Doğum gününüz münasibətilə dünya idman atıcılığı ictimaiyyətinin adından Sizi səmimi qəlbdən təbrik edirəm.

Sizə yaşadığımız hazırkı çətin dövrdə çox vacib olan möhkəm cansağlığı və xoş əhval-ruhiyyə arzulayıram. İnanıram ki, qarşıdan gələn ildə Azərbaycan idmançılarının beynəlxalq arenada qazanacaqları nailiyyətlər Sizə və gözəl respublikanızın bütün vətəndaşlarına sevinc bəxş edəcəkdir.

Beynəlxalq İdman Atıcılığı Federasiyasının 2021-ci ildə Bakıda keçirməyi planlaşdırdığı tədbirlər zamanı Sizinlə görüşəcəyimizə ümidvaram".

XXX

M.V.Lomonosov adına Moskva Dövlət Universitetinin rektoru, akademik Viktor Sadovniçidən:

"Möhtərəm İlham Heydər oğlu.

Doğum gününüz münasibətilə Sizi şəxsən öz adımdan və M.V.Lomonosov adına Moskva Dövlət Universitetinin çoxminli kollektivi adından səmimi qəlbdən təbrik edirəm.

Siz uzun illərdir elm və təhsil məsələlərinə, universitet və akademiya ictimaiyyətinin səmərəli tərəfdaşlığının inkişafına və təkmilləşdirilməsinə böyük diqqət göstərirsiniz. Rusiya ilə Azərbaycanın yaradıcı əməkdaşlığının hüdudları Sizin sayənizdə bir çox cəhətdən xeyli genişlənib və möhkəmlənib. İctimai əhəmiyyətli çoxsaylı layihələr və təşəbbüslər həyata keçirilib, minlərlə gənc, aydın məqsədli və istedadlı insanlar üçün bizim qabaqcıl elm müəssisələrimizin ən yaxşı təhsil ənənələrindən bəhrələnmək imkanı yaradılıb.

Bu xoş fürsətdən istifadə edərək Moskva Dövlət Universitetinə səmimi münasibətinizə görə Sizə təşəkkürümü bildirirəm. MDU-nun Bakı şəhərindəki filialı özünün bütün fəaliyyəti dövründə elmin və təhsilin, dövlətlərimiz arasında sülhün və harmoniyanın inkişafına uğurla xidmət edir.

Möhtərəm İlham Heydər oğlu, Sizə səmimi qəlbdən möhkəm cansağlığı, tükənməz enerji və firavanlıq arzu edirəm".

XXX

Özbəkistandakı Azərbaycan Milli Mədəniyyət Mərkəzinin sədri Firdovsi Hüseynovda:

"Hörmətli cənab Prezident.

Doğum gününüz münasibətilə Sizi Özbəkistanda yaşayan azərbaycanlılar adından və şəxsən öz adımdan ürəkdən təbrik edirəm.

Azərbaycan dövləti və xalqı işğalçı Ermənistan üzərində qazandığı möhtəşəm Qələbədən sonra yeni inkişaf mərhələsinə qədəm qoyur. Əminik ki, məhz Sizin apardığınız müdrik siyasətiniz dünyada yaşayan bütün azərbaycanlılara gələcəkdə də doğma Azərbaycanımızın uğurları üçün qürur hissi yaşadacaq. Bütün dünya Sizin siyasət, iqtisadiyyat, hərbi və bir çox digər sahələrdə Azərbaycanın milli maraqlarının qorunmasında son dərəcə təcrübəli, ədalətli və qətiyyətli dövlət rəhbəri olduğunuza şahidlik etdi.

Cənab Prezident, yaşadığı ölkədən, vətəndaşlıq mənsubiyyətindən asılı olmayaraq, bütün azərbaycanlılar Sizinlə fəxr edirlər. Əminəm ki, çox yaxın gələcəkdə Azərbaycan Respublikası və Azərbaycan xalqı Sizin rəhbərliyinizlə yeni inkişaf mərhələsi yaşayacaq.

Biz də öz növbəmizdə həmişə olduğu kimi, bundan sonra da Özbəkistanda Azərbaycanın inkişafı istiqamətində aparılan işlərə töhfəmizi vermək və nəticə əldə etmək üçün əlimizdən gələni əsirgəməyəcəyik.

Allahdan Sizə möhkəm cansağlığı, uzun ömür və ailə səadəti diləyirəm. Şərəfli və məsuliyyətli fəaliyyətinizdə Sizə yeni zəfərlər və uğurlar arzulayıram".

XXX

Gürcüstanın Azərbaycanlı İş Adamları Birliyinin (AZEBİ) İdarə Heyətinin sədri Nəriman Qurbanovdan:

"Möhtərəm Prezident, cənab müzəffər Ali Baş Komandan!

Sizi doğum gününüz münasibətilə səmimi qəlbdən təbrik edir, Zati-alinizə ən xoş arzularımızı çatdırmaqdan böyük məmnunluq duyuruq.

2020-ci il dünya tarixində ən ağır, lakin ölkəmiz üçün ən uğurlu və tarixi il oldu. Sizin rəhbərliyinizlə Vətən müharibəsində şanlı Qələbə qazanan Azərbaycan Ordusunu və xalqımızı təbrik edirik. Azərbaycanda iqtisadiyyatın inkişafı və müasir ordu quruculuğu istiqamətində aparılan siyasəti dəstəkləyir, Ulu Tanrıdan bu yolda Sizə uğurlar diləyirik.

Siz Azərbaycan ilə Gürcüstan arasında strateji tərəfdaşlıq xarakteri daşıyan ənənəvi dostluq, mehriban qonşuluq münasibətlərinin inkişafına və möhkəmlənməsinə xüsusi diqqət göstərirsiniz. Biz - Gürcüstanda yaşayan azərbaycanlılar bu qayğınızı və dəstəyinizi hər an hiss edir, bunu yüksək qiymətləndiririk. Gürcüstanın Azərbaycanlı İş Adamları Birliyi olaraq bu siyasətin həyata keçirilməsinə daim dəstək verəcəyimizə Sizi əmin edirik.

Bu əlamətdar gün münasibətilə bir daha ürəkdən təbrik edir, Sizə və ailənizə möhkəm cansağlığı, xoşbəxtlik, Azərbaycan xalqının rifahı və tərəqqisi naminə fəaliyyətinizdə uğurlar arzulayırıq.

Cənab Prezident, Sizə olan ən dərin ehtiramımızı qəbul edin.

XXX

Skandinaviya Azərbaycanlılarının Finlandiya üzrə əlaqələndiricisi və Azərbaycan-Türk gənclər təşkilatının rəhbəri Ülviyyə Cabbarovadan:

"Zati-aliləri.

Doğum gününüz münasibətilə Sizə ən səmimi təbriklərimi yetirirəm.

Cənab Prezident, bugünkü geosiyasi vəziyyətin bütün mürəkkəbliyinə baxmayaraq, Siz nadir siyasi müdrikliyə, uzaqgörənliyə malik əvəzolunmaz şəxsiyyətsiniz. Sizin Azərbaycanın mənafeyinə, inkişafına və yüksəlişinə sadiqliyiniz xalqımızın hörmət və dəstəyini qazanıb. Siz əsası ümummilli liderimiz Heydər Əliyev tərəfindən qoyulan müasir Azərbaycan quruculuğu yolunu davam etdirərək, onun işlərinin layiqli varisisiniz. Sizə Azərbaycanın və xalqımızın rifahı naminə tarixi missiyanızda xaricdə yaşayan biz azərbaycanlılar daim dəstəyik. Bu gün Siz Azərbaycan Respublikasının sosial-iqtisadi inkişafında müsbət dəyişikliklərin təmin olunması, xalqımızın rifahının yüksəldilməsi üçün maksimum səy göstərərək, regionda sülhün və sabitliyin möhkəmlənməsinə töhfə verirsiniz. Sizin yüksək peşəkarlığınız, çoxillik iş təcrübəniz, vəzifə məsuliyyəti hissiniz xalqımız üçün ən ümdə məqsədlərə çatmağa imkan verəcək. Qürurverici haldır ki, Sizin bütün fəaliyyətiniz Azərbaycan xalqı tərəfindən sərgilənən ictimai dəstəklə müşayiət olunur. Bu gün hər kəs Sizin ətrafınızda sıx birləşmişdir və apardığınız siyasət nəticəsində əldə olunan uğurların sevincini yaşayır. Bu sevincdən bir azərbaycanlı kimi mənə də pay düşür. Siz Azərbaycan Respublikasının ali dövləti vəzifəsində fəaliyyətinizdə özünüzü qeyri-ordinar, parlaq şəxsiyyət, prinsipial və ardıcıl siyasi xadim, dövlətin lideri kimi göstərmisiniz. Siz haqlı olaraq öz həmvətənləriniz arasında və xaricdə hörmət və nüfuz qazanmısınız.

Azərbaycanda həyata keçirilən konstruktiv xarici siyasət regionda sabitliyin təmin edilməsinə, beynəlxalq ticari-iqtisadi əlaqələrin möhkəmlənməsinə və ölkə iqtisadiyyatına yeni investisiyalar cəlb edilməsinə şərait yaradır. Sizin sayənizdə Azərbaycan Respublikası bundan sonra da davamlı inkişaf yolu ilə irəliləyəcəkdir. Heç şübhəsiz ki, Sizin qazandığınız ümumxalq dəstəyi və etimadı, azərbaycanlıların həyatını daha da firavanlaşdırmaq səyləriniz ali dövləti fəaliyyətinizdə bundan sonra da yeni uğurlarınıza imkan yaradacaq. Bu gün Azərbaycan xalqının rifahının yüksəldilməsi, onun böyük potensialının üzə çıxarılması kursu Sizin rəhbərliyinizlə uğurla həyata keçirilir. Əminəm ki, ölkəmizi qarşıda yeni-yeni nailiyyətlər və qələbələr gözləyir. Sizin siyasi müdrikliyiniz, zəngin təcrübəniz, doğma Vətənimizə, xalqımıza məhəbbətiniz bütün bunların rəhnidir. Sizin rəhbərliyinizlə Azərbaycan bu gün dünyada getdikcə daha layiqli və nüfuzlu yer tutur. Ölkəmizin uğurlu iqtisadi inkişafında, yüksək mənəvi-əxlaqi ab-havanın qorunub saxlanılmasında, mədəniyyət, elm və təhsilin hərtərəfli inkişafında quruculuq enerjisi ilə aşıb-daşan, nəzərdə tutulan planların həyata keçməsinə ardıcıllıqla və qətiyyətlə nail olan bir lider kimi Sizin şəxsi xidmətləriniz böyükdür. Siz fədakarcasına Azərbaycan xalqının xoşbəxtliyinin və rifahının qayğısına qalırsınız. Vurğulamaq istəyirəm ki, Sizin doğum gününüz təkcə ailəniz üçün deyil, hər bir vətənpərvər azərbaycanlı üçün əlamətdardır. Çünki bu gün biz xəyalən Sizinləyik.

Cənab Prezident, Siz mürəkkəb dövlət vəzifələrinin həllinə əzmkarlıqla yanaşmağınız, heyrətamiz işgüzarlığınız və strateji təfəkkürünüz, nəcib şəxsi keyfiyyətləriniz sayəsində hər kəsdə dərin ehtiram, dünya birliyində yüksək nüfuz qazanmısınız. Siz böyük Heydər Əliyevin işini layiqincə davam etdirərək, Azərbaycan Respublikasının sosial-iqtisadi və mədəni inkişafında, ölkədə siyasi sabitliyin qorunmasında və əhalinin rifah halının yüksəldilməsində əvəzsiz uğurlara nail olmusunuz.

Zati-aliləri, doğum gününüz münasibətilə ən səmimi təbriklərimi və arzularımı Sizə çatdırmaq mənim üçün çox xoşdur. Xahiş edirəm, Sizə möhkəm cansağlığı və xoşbəxtlik arzularımı qəbul edin".

XXX

Rusiya Federasiyası Dağıstan Respublikasının rəhbəri vəzifəsini müvəqqəti icra edən Sergey Məlikovdan:

"Hörmətli İlham Heydər oğlu.

Doğum gününüz münasibətilə Sizi səmimi qəlbdən təbrik edirəm.

Siz Azərbaycan xalqının ümummilli lideri Heydər Əliyevin işini layiqincə davam etdirərək, ölkənizin həyatının bütün sahələrində ictimai sabitliyi, müstəqil və mütərəqqi inkişafı təmin edən dərin dəyişikliklər həyata keçirmisiniz.

Sizin Azərbaycan xalqının mənafelərinə əsaslanan düşünülmüş və müdrik siyasətiniz sayəsində ölkəniz güclü və suveren dövlətə çevrilib.

Azərbaycan Respublikası ilə Rusiya Federasiyasının Dağıstan Respublikası arasında tarixən yaranmış dostluq, mehriban qonşuluq və qarşılıqlı hörmət ənənələrinin inkişafına Sizin göstərdiyiniz diqqət də böyük hörmətə layiqdir.

Hörmətli İlham Heydər oğlu, Sizə möhkəm cansağlığı, quruculuq fəaliyyətinizdə yeni uğurlar arzu edirəm".

XXX

Rusiya Federasiyası Prezidenti Administrasiyası rəhbərinin müavini Maqomedsalam Maqomedovdan:

"Hörmətli İlham Heydər oğlu.

Sizi doğum gününüz münasibətilə ürəkdən təbrik edirəm.

Siz öz vətəndaşlarınızın rifahı naminə yorulmadan çalışan müdrik rəhbər kimi haqlı olaraq yüksək nüfuz və hörmət qazanmısınız.

Sizin rəhbərliyinizlə respublikanız sosial-iqtisadi sahədə və beynəlxalq arenada əhəmiyyətli uğurlar qazanır, dostluq, mehriban qonşuluq və qarşılıqlı hörmət ənənələrinə əsaslanan Rusiya-Azərbaycan münasibətləri xalqlarımızın rifahı naminə möhkəmlənir və dinamik inkişaf edir.

Sizə səmimi qəlbdən möhkəm cansağlığı, xoşbəxtlik və firavanlıq, Azərbaycan Respublikasının vətəndaşlarına isə sülh və tərəqqi arzulayıram".

“AccessBank” taksi xidmətləri üzrə tender elan edir
“AccessBank” taksi xidmətləri üzrə tender elan edir
DSMF konsaltinq xidmətləri üçün 300 min manat ayıracaq
DSMF konsaltinq xidmətləri üçün 300 min manat ayıracaq
"Aztelekom" avadanlığın texniki dəstəyi üçün 1,4 milyon manatdan çox vəsait ayıracaq
"Aztelekom" avadanlığın texniki dəstəyi üçün 1,4 milyon manatdan çox vəsait ayıracaq
Loading Bars
Xəbər lenti
İtalyan jurnalist: Xocalı faciəsinin səbəbkarları cəzalandırılmalıdır
Göygöldə tikili yanıb
AZAL Bakıdan Kiyevə xüsusi reyslərin icrasına başlayır
Vladimir Putin ilə Nikol Paşinyan arasında telefon danışığı olub
Prezident İlham Əliyev: Bizim müvafiq strukturlarımızla beynəlxalq şirkətlər arasında əməkdaşlıq üçün böyük imkan olacaq
Azərbaycan Prezidenti: Biz hər bir şəhərin yenidən qurulması üçün baş plan hazırlayırıq
Prezident İlham Əliyev: Azərbaycan şəhərlərinin müasirləşdirilməsi prosesi davam edir
İşğadan azad edilmiş ərazilərdə yetişdiriləcək əsas kənd təsərrüfatı məhsulları bunlar olacaq
Mediada yeni düşüncə, yeni layihə və yeni baxış prizmasına ehtiyac var - Bəhruz Quliyev
Könüllülər Xocalı soyqırımına həsr olunmuş tədbir keçirdi
Qeyri-formal məşğulluğun fəsadları: İnsanlar bu hüquqlarından məhrum olurlar
Peşə təhsili üzrə “Dərs vaxtı”nın fevralın 26-na olan cədvəli
Həmsədrlər Azərbaycanın azad edilmiş ərazilərinin bərpasına dəstək göstərməlidir - Azay Quliyev
Ceyhun Bayramov İsrailin səfiri ilə görüşüb (FOTO)
ASAN könüllülərindən minlərlə uşağı əhatə edən növbəti layihə (FOTO)
Paşinyanın bəyanatı növbəti dəfə Rusiyanın nüfüzuna endirilən xain və sarsıdıcı bir zərbə oldu - Hərbi ekspert
ATƏT-in hazırkı sədri Azərbaycana səfər etmək niyyətindədir
Ağdamdakı dağıntılar rusiyalı jurnalistləri dəhşətə gətirdi - Trend TV-nin REPORTAJI
“Dərs vaxtı”nda cədvələ uyğun mövzular təqdim olunub
Energetika Nazirliyində kollegiya iclası keçirilib
Azərbaycan İlahiyyat İnstitutunda Xocalı soyqırımı anılıb (FOTO)
Xocalı: Tarixə Qayıdış adlı Anım tədbiri (FOTO)
Bakıda Pakistan hərbi nümayəndə heyəti ilə görüş keçirilib
İordaniya-Azərbaycan dostluq rəmzini bildirən dairədə Xocalı soyqırımı anılıb (FOTO)
“Dostluq” yatağına dair İşçi Qrup yaradıldı - SƏRƏNCAM
Boston şəhər meri 26 fevral tarixini Xocalı soyqırımının anım günü elan edib
"Xocalı: Soyqırımın xroniikası" kitabı Ukrayna dilində təqdim edilib (FOTO)
Həmvətənlərimiz Finlandiya parlamentinə müraciət edib
ATƏT Azərbaycanın azad edilmiş ərazilərində vasitəçilik missiyalarını təşkil etməyə hazırdır
Polis zabitləri Paşinyanın istefası tələbinə qoşuldu
Xocalı soyqırımı qurbanlarının ruhu dünyanı haqqın səsinə səs verməyə çağırır - Vüqar Rəhimzadə
Yelo bankdan hamıya 14.9% ilə nağd kredit
MDU-da “Tədris prosesində innovasiya və sahibkarlıq yanaşmaları” mövzusunda təlim keçirilib (FOTO)
Şaxtadan qorunmaq üçün qurulan çadırlara 200-ə yaxın vətəndaş üz tutub - Trend TV
Prezident İlham Əliyev "Signify" şirkətinin baş icraçı direktorunu və şirkətin rəhbərliyinin digər nümayəndələrini videoformatda qəbul edib (FOTO) (YENİLƏNİB)
Paşinyanın bəyanatı Rusiyanın hərb sənayesinə zərbə vurmaq niyyətini güdür - Siyasi şərhçi
Həftə sonu bu ərazilərdə yenidən yarmarkalar keçiriləcək
Bakı və Sumqayıtda temperatur yüksəlib - FAKTİKİ HAVA
Azərbaycanın avtomobil yollarındakı SON VƏZİYYƏT
Azərbaycanda 126 nəfər COVID-19-a yoluxub, 142 nəfər sağalıb, 3 nəfər vəfat edib
Prezident İlham Əliyev: Ermənistan heç vaxt bu cür acınacaqlı vəziyyətdə olmayıb
UNEC-də Xocalı soyqırımının 29-cu ildönümünə həsr olunan beynəlxalq tədbir keçirilib (FOTO)
Azərbaycana gələn türkiyəli mütəxəssislər 520 nəfərə yardım edib
Böyükşor və Zığ gölləri ilə bağlı fərman və sərəncamda dəyişiklik edildi
Ağcabədi sakinindən 10 kiloqram narkotik götürüldü
Əfv Məsələləri Komissiyasının növbəti iclasının vaxtı məlum olub
Prezident İlham Əliyev: Hər zaman şəhid ailələrinin üzvləri və müharibə əlillərinin yanında olacağam
Prezident İlham Əliyev: Bizdə olan məlumata görə, təqribən 6-7 min işğalçı məhv edilibdir
Azərbaycan Prezidenti: Müharibənin son gününə qədər Ermənistana gündə bir neçə təyyarə pulsuz silah gətirilirdi
Sabah bu marşrutların hərəkət xətti dəyişdiriləcək
Prezident İlham Əliyev: Göstərdik ki, müzəffər xalq Azərbaycan xalqıdır
Azərbaycan Prezidenti: Xocalı qurbanlarının da qanı İkinci Qarabağ müharibəsində alındı
Azərbaycan Prezidenti: Əgər kimsə revanşist fikirlərlə yaşayırsa, bax, bu yumruğu görəcək
Prezident İlham Əliyev: Həmin o “İskəndər” raketlərini Ermənistan pulla alıb? Pulsuz alıb
Prezident İlham Əliyev: Biz bütün bu illər ərzində müharibəyə hazırlaşırdıq, bunu heç gizlətmirdik
Azərbaycan Prezidenti: AXC-Müsavat cütlüyünün dövründə Şuşanın, Laçının, Kəlbəcərin düşmənə verilməsi böyük xəyanət idi
Prezident İlham Əliyev: Azərbaycan Ordusunda bir nəfər də fərari olmamışdır
Pakistan şirkətlərinin işğaldan azad olunan ərazilərin bərpasına cəlbi müzakirə edilib (FOTO)
Azərbaycan Prezidenti: Ermənistanda müharibədə həlak olanların yaxınlarına nəinki ev, bir daxma da verilmir
Prezident İlham Əliyev: Şəhid olmuş övladlarımızın ailələrinə bu ilin sonuna qədər mənzillər veriləcək
Daha bir Vətən müharibəsi iştirakçısına vəzifə verildi (FOTO)
Ermənistanın güc strukturları çevriliş cəhdi ilə bağlı bəyanat yaydı
“Dostluq” yatağına dair Anlaşma Memorandumu təsdiqləndi
Silk Way West Airlines tibbi təyinatlı yüklərin qlobal daşınmasında aparıcı rol oynamağa hazırdır
Cəbrayılda daha bir nəfər minaya düşdü
Yerevan səmasında qırıcılar göründü (VİDEO)
Dağlıq ərazilərdə qarölçmə işlərinə başlanılacaq
Özünü vəzifəli şəxs kimi təqdim edərək vətəndaşları aldadan şəxs ifşa edildi
Xocalı faciəsi bəşəriyyətə qarşı cinayətdir - Kamaləddin Qafarov
“Xocalıya ədalət” kampaniyası çərçivəsində “Xocalı Nişanəsi” filmi təqdim edilib (VİDEO)
AzTV-də "Qətl planı" - Tarixi qətllər araşdırılacaq (FOTO/VİDEO)
İranda 94 nəfər koronavirusdan ölüb
Ermənistan növbəti çevriliş astanasında - Əhali küçələrə axışır (VİDEO)
Türkiyəli həkimlər 150-dən çox qazimizi müayinə edib (FOTO)
Mediada zəruri islahatlar: Yenilikçi, yaradıcı, qərəzsiz medianın formalaşması üçün nələr edilməlidir? – ŞƏRH
Bank Respublika 2019 – 2020-ci illərdə keçirdiyi layihələr üzrə “Ən fəal bank” mükafatını qazanıb
Pakistanın Sərhəd İşləri Təşkilatının Baş direktoru Bakıya gəlib (FOTO)
Möhtəşəm Triumf Palace layihəsində sərfəli şərtlərlə mənzillər əldə edə bilərsiniz (FOTO)
Prezident İlham Əliyev Ramanada şəhid ailələri və müharibə əlillərinə mənzillərin təqdim olunması mərasimində iştirak edib (FOTO) (YENİLƏNİB)
Sabah hava yağmursuz olacaq
Prezident İlham Əliyev Şağan Reabilitasiya Pansionatının açılışında iştirak edib (FOTO/VİDEO)
Xocalı soyqırımının 29-cu ildönümü ilə əlaqədar Ukraynada dəyirmi masa keçirilib (FOTO)
“AccessBank”da yeni İcraçı Direktorlar təyin edilib (FOTO)
Xocalı soyqırımı qurbanlarının qisası alındı - Deputat
Küveyt mediasında Xocalı soyqırımı barədə məqalələr dərc olunub
Ölkədə peyvənd olunanlar daha çox bu yaşda olanlardır - STATİSTİKA
Azəbaycanlılar Polşa seymini Xocalı soyqırımını tanımağa çağırıblar
Azərbaycanda 207 mindən çox insan koronavirusa qarşı peyvənd olunub - RƏSMİ
ÜST bölgələrdə işləyən tibb işçiləri üçün təlimlər keçirir
“Bakcell”dən onlayn iş və təhsil üçün internet paketi
Nazirlikdən İTV-də polisin fəaliyyətinin tənqid edilməsi ilə bağlı AÇIQLAMA
Qarda yıxılaraq xəsarət alanların sayı artıb (ƏLAVƏ OLUNUB)
Xəzər dənizinin Azərbaycan sektorunda ən sərt qış mövsümü 97 il əvvəl olub - Coğrafiya İnstitutu
"Xocalı soyqırımını unutma!" mövzusunda videokonfrans təşkil edilib (FOTO)
Fevralın 26-da “Ana harayı” abidəsini ziyarət əvvəlki illərdən fərqli təşkil ediləcək - DİN
Çörəyin qiymətinin artması iddiaları ilə bağlı RƏSMİ AÇIQLAMA
Prokurorluq Bərdə Peşə Liseyinin direktorunun həbsi ilə bağlı məlumat yayıb
Dələduzluğa görə axtarışda olan qadın 6 il sonra saxlanıldı
Xocalı soyqırımının 29-cu ildönümünə həsr edilən virtual elmi konfrans keçirilib (FOTO)
Şamaxıda qanunsuz ov edən şəxslər saxlanılıb
Bütün xəbərlər