...

ATƏT-in Minsk Qrupu həmsədrləri Azərbaycanın erməni hərbçisini azad etməsini alqışlayıblar

Siyasət Materials 8 Oktyabr 2021 21:59
ATƏT-in Minsk Qrupu həmsədrləri Azərbaycanın erməni hərbçisini azad etməsini alqışlayıblar

Trend-i buradan izləyin

Bakı. Trend:

Həmsədrlər 7 və 8 oktyabr tarixlərində Cenevrədə BMT-nin Qaçqınlar üzrə Ali Komissarı Filippo Qrandi və Beynəlxalq Qırmızı Xaç Komitəsinin (BQXK) vitse-prezidenti Gilles Karbonnier ilə məsləhətləşmələr aparıb.

Trend-in məlumatına görə, görüşlərdə ATƏT-in fəaliyyətdə olan sədrinin şəxsi nümayəndəsi Anjey Kasprşik də iştirak edib.

Bütün iştirakçılar beynəlxalq humanitar təşkilatların tam və maneəsiz işlərini icra etmələrinin vacibliyini qeyd ediblər.

BMT Baş Assambleyası çərçivəsində Ermənistan və Azərbaycan xarici işlər nazirləri arasında son konstruktiv görüş çəçivəsində həmsədrlər Azərbaycanın erməni hərbçisini azad etməsini alqışlayıb və mümkün deeskalasiya və humanitar tədbirləri, həmçinin məhbuslar, itkin düşmüş şəxslər, eləcə də bütün köçkünlərin könüllü olaraq geri qaytarılması barədə humanitar tədbirləri müzakirə ediblər.

"Həmsədrlər tərəflərlə əməkdaşlığı davam etdirmək niyyətlərini vurğuladılar və Azərbaycan Prezidenti İlham Əliyevin və Ermənistanın Baş naziri Nikol Paşinyanın görüşməyə hazır olduqlarını bildirdikləri bəyanatları müsbət qəbul etdilər. Həmsədrlər, belə bir görüşün üsulları və təfərrüatları ilə bağlı tərəflər arasında əməkdaşlığa ümid edirlər və bu prosesdə növbəti addımları müzakirə etmək üçün yaxın gələcəkdə bölgəyə səfər etmək istəklərini təsdiqləyirlər ", - məlumatda bildirilir.

Məqalədə:
Xəbər lenti

Xəbər lenti