Bakı. Trend:
Azərbaycan Xarici İşlər Nazirliyi (XİN) Pakistana başsağlığı verib.
Trend xəbər verir ki, bu barədə XİN-in "Twitter" hesabında paylaşım edilib.
"Pakistanın Pişəvər şəhərində məsciddə törədilən terror aktı xəbəri bizi şoka saldı və kədərləndirdi. Həlak olanların ailələrinə dərin hüznlə başsağlığı verir və yaralananların tezliklə şəfa tapmasını diləyirik. Qardaş Pakistan İslam Respublikası ilə həmrəyik", - paylaşımda qeyd olunub.
Qeyd edək ki, bu gün məsciddə törədilən partlayış nəticəsində son məlumata görə, 30-dan çox şəxs ölüb, 150 nəfər yaralanıb.