Bakı. Trend:
İtalya mediası Azərbaycanın Qarabağdakı antiterror tədbirlərindən yazıb.
Trend xəbər verir ki, İtaliyanın "LaPrealpina" xəbər portalında Azərbaycanın Qarabağdakı antiterror tədbirləri barədə məqalə dərc edilib.
Məqalədə qeyd edilib ki, antiterror tədbirləri bu gün erməni mina terroru nəticəsində Azərbaycanın 4 polis əməkdaşının və mülki şəxslərin minaya düşüb həlak olmasından sonra başladı.
Xatırladaq ki, üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb.