Şuşa. Trend:
Bu ilin sentyabrında Füzulidə dördüncü yaşayış məhəlləsinin tikintisi başlayacaq.
Trend xəbər verir ki, bu barədə Azərbaycan Respublikası Prezidentinin Ağdam, Füzuli və Xocavənd rayonlarında xüsusi nümayəndəsi Emin Hüseynov "Sahibkarlar üçün yeni imkanlar: Qarabağı birlikdə quraq" adlı tədbirdə deyib.
"Bugünədək ölkənin işğaldan azad edilmiş rayonları arasında ən çox məskunlaşan Füzuli rayonuna ümumilikdə 3132 nəfərdən ibarət 822 ailə qayıdıb. Onlardan 450 şagird artıq məktəbdə təhsil alır", - o deyib.
O, həmçinin, Füzuli şəhərində mərkəzi parkın tikintisi üzrə aktiv işlərin görüldüyünü əlavə edib.
(Tərcümə: Rəna Əbdürəhmanova)