Bakı. Trend:
Ermənistan ilə Azərbaycan arasındakı sülh prosesi, şübhəsiz ki, Cənubi Qafqaz regionunda vəziyyəti yaxşılaşdırır.
Trend xarici KİV-ə istinadən xəbər verir ki, bunu Ermənistanın Baş naziri Nikol Paşinyan Ermənistan və Gürcüstan arasında Hökümətlərarası Komissiyanın 15-ci iclasında çıxışı zamanı bildirib.
“Gürcüstanın dəstəyi ilə Ermənistan, Gürcüstan və Azərbaycan arasında üçtərəfli ticarət əməkdaşlığı və qarşılıqlı fəaliyyət dərinləşib. Ermənistan ilə Azərbaycan arasındakı sülh prosesi, şübhəsiz ki, regionumuzda vəziyyəti yaxşılaşdırır”, -deyə Paşinyan vurğulayıb.