"Mən Azərbaycana gələcəyim günü ömrüm boyu gözləmişəm". Trend in xəbər verdiyi kimi, bu barədə avqustun 26-da Binə hava limanında Şimali Kipr Türk Cümhuriyyətinin birinci prezidenti Rauf Denktaş bildirib.
Onun sözlərinə görə, ŞKTC-nin təcrid olunmasını aradan qaldırmaq və dünya dövlətləri ilə diplomatik əlaqələr qurmaq üçün vaxt lazımdır. "Hər şey tədricən və mərhələ-mərhələ baş verir. Hər şeyə nail olmaq mümkündür. Dövlət işlərində isə səbr böyük əhəmiyyətə malikdir", - deyə ŞKTC-nin banisi vurğulayıb.
Lefkoşa və Bakı arasında ikitərəfli əlaqələrin inkişafı məsələsinə toxunaraq Rauf Denktaş qeyd edib ki, Azərbaycan və Şimali Kipr xalqları arasında isti münasibətləri möhkəmləndirmək lazımdır.
ŞKTC-nin birinci prezidenti həmçinin onu da bildirib ki, Bakıya səfəri çərçivəsində Azərbaycanın rəsmi şəxsləri ilə danışıqlar aparılacaq.