Bakı. Trend:
İsrail ordusu (ÇAXAL) Qəzza zolağında hərbi əməliyyatın məqsədlərinə hər vasitə ilə qətiyyətlə nail olacaq.
Trend-in məlumatına görə, bu barədə İsrailin müdafiə naziri Yoav Qalant deyib.
Nazir vurğulayıb ki, İsrail öz məqsədlərinə çatacaq və vətəndaşlarının təhlükəsizliyini təmin edəcək.
"Məqsədlərimizə çatacağıq, HƏMAS-ı məğlub edəcəyik. Biz Hizbullahı məğlub edəcəyik və təhlükəsizliyə nail olacağıq", - deyə o bildirib.
O əlavə edib ki, İsrail ordusu ölkəyə qarşı təhdidləri aradan qaldırmaq üçün lazım olan hər şeyi edəcək.