Bakı. Trend:
Almaniya kansleri Fridrix Merts ABŞ Prezidenti Donald Trampla telefon danışığı aparıb. Söhbət zamanı tərəflər Ukraynadakı münaqişənin nizamlanması yollarını və Yaxın Şərqdəki vəziyyəti müzakirə ediblər.
Bu barədə Almaniya hökumətinin rəsmi nümayəndəsi Ştefan Kornelius jurnalistlərə bildirib.
“Danışıq zamanı tərəflər ABŞ-da 2001-ci il sentyabrın 11-də baş vermiş terror aktlarını xatırlayıblar. Həmin hadisələrin 25-ci ildönümü ötən həftə qeyd olunub. Almaniya kansleri almanlarla amerikalılar arasındakı xüsusi əlaqəni vurğulayıb”, – Kornelius deyib.
O qeyd edib ki, Almaniya hökumətinin başçısı və ABŞ prezidenti Ukraynadakı münaqişənin “dayandırılması istiqamətində növbəti addımlar” barədə fikir mübadiləsi aparıblar.
“Kansler Merts Konqresin [Lindsi] Qremin (Rusiyada terrorçular və ekstremistlər siyahısına daxil edilib) Rusiyaya qarşı sanksiyalar haqqında qanunu qəbul etməsini yüksək qiymətləndirib”, – Kornelius bildirib.
Onun sözlərinə görə, Hörmüz boğazında və Qırmızı dənizdəki vəziyyət də müzakirə mövzusu olub.
“Dəniz yollarının hər ikisinin mümkün qədər tez açılması ilə bağlı razılıq əldə olunub”, – Almaniya hökumətinin nümayəndəsi yekunlaşdırıb.
