Dekabrın 11-də AMEA-nın Naxçıvan bölməsinin illik hesabat yığıncağı keçiriləcək. Trend in Naxçıvan bürosunun məlumatına görə, bununla bağlı hazırlıq işləri başa çatıb.
AMEA-nın Naxçıvan bölməsindən bildiriblər ki, artıq bölmənin tərkibində fəaliyyət göstərən 6 institutun hesabatları noyabrın 26-dan başlayaq dinlənilib, nəticələr müzakirə edilib. Keçirilən hesabat yığıncaqları ilə bağlı Trend ə bildiriblər ki, cari ildə bölmənin əməkdaşları tərəfindən 14 kitab, 349 məqalə, 4 tezis, 1xəritə hazırlanılıb. Əməkdaşların ixtiralarından 4-ü patent alıb.
Qeyd edək ki, dekabrın 11-də keçiriləcək AMEA-nın Naxçıvan bölməsinin illik hesabatının nəticələri AMEA-ya təqdim olunacaq.