Azərbaycan, Bakı /müx. Trend S.Əliyev/ Azərbaycan Dövlət Neft Şirkətinin (ARDNŞ) "Xəzərdənizneftdonamması" idarəsi "Neftqaz-9" gəmisinin təmiri məqsədilə ehtiyat hissələrin alınması üçün tender elan edib. Bu barədə ARDNŞ-dan bildiriblər.
Ehtiyat hissələrini yük alana müqavilə imzalandıqdan sonra 3 ay ərzində göndərmək tələb olunur. Ehtiyat hissələrinin dəyərinin ödənilməsi yük göndərildikdən sonra bir ay ərzində hissələrlə həyata keçiriləcək.
İştirakçılar da namizədlər kimi iştiraka dair ərizə və digər sənədləri "Xəzərdənizneftdonamması" idarəsinə 2007-ci il aprelin 11-dən gec olmamaq şərtilə təqdim etməlidirlər.
Təkliflər qiymətləndirilən zaman üstünlük növbəti xüsusiyyətlərə veriləcək - ehtiyat hissələrinin dəyəri, vərdiş (gəmi üçün ehtiyat hissələrin alınması ilə bağlı), göndərmə müddəti.
Tender təklifləri 2007-ci il fevralın 19-da "Xəzərdənizneftdonamması" idarəsində açılacaq.