Azərbaycan, Bakı / Trend müxbir K.Zərbalıyeva/ Azərbaycan Respublikasının Dövlət Qulluğunu İdarəetmə Şurası yanında Korrupsiyaya Qarşı Mübarizə Komissiyasına ötən il ərzində vətəndaşlardan 200 şikayət daxil olub. Onlardan 150-si araşdırılaraq tədbir görülməsi üçün aidiyyatı üzrə müvafiq dövlət orqanlarına göndərilib. Şikayətlərdə qeyd olunan faktlar üzrə baş prokuror yanında Korrupsiyaya Qarşı Mübarizə İdarəsində cinayət işi açılıb. Belə ki, ötən il baş prokuror yanında Korrupsiyaya Qarşı Mübarizə İdarəsində 74 cinayət işi açılıb. Vəzifədən sui-istifadə, vəzifə səlahiyyətlərini aşma, rüşvət alma, qulluq mövqeyindən sui-istifadə etməklə dövlət əmlakını talama və digər faktlar üzrə icraatda olan 74 cinayət işindən 79 nəfər barəsində 39 cinayət işi ibtidai araşdırmalar yekunlaşdırılmaqla baxılması üçün Ağır Cinayətlərə Dair İşlər üzrə Məhkəməyə və müvafiq məhkəmələrə göndərilib.
...