Azərbaycan, Bakı/ Trend / Yanvar-aprel aylarında Azərbaycanda 697,5 mln. manat dəyərində tikinti işləri aparılıb ki, bu da 2006-cı ilin müvafiq göstəricisi ilə müqayisədə 54,9 faiz çoxdur. Bu barədə məlumatı Dövlət Statistika Komitəsi açıqlayıb.
Tikinti sahəsində göstərilmiş xidmətlərdən 193,8 mln. manat dövlət müəssisələrinin, 503,7 mln. manat isə özəl müəssisələrin payına düşüb.
Ümumi tikinti işlərindən 81,8 faizi, yaxud 570,4 mln. manat yeni tikililərin, bərpa və genişləndirmə işlərinin, 10,5 faiz, yaxud 73,1 mln. manat tam təmir işləri, 3,5 faiz, yaxud 24,3 mln. manat cari təmir işləri, 4,2 faiz, yaxud 29,7 mln. manat digər tikinti işlərinin payına düşüb.
