...

Azərbaycanın sabiq səhiyyə naziri etibar etdiyi həkimlər tərəfindən müayinə olunmaq üçün müraciət edib

Cəmiyyət Materials 22 Dekabr 2008 14:28 (UTC +04:00)

Azərbaycan, Bakı, 22 dekabr / Trend , müxbir K. Zərbalıyeva/ Korrupsiya cinayətlərinə görə məhkum olunmuş Azərbaycanın sabiq səhiyyə naziri özünün etibar etdiyi həkimlər tərəfindən müayinə olunması üçün Ədliyyə Nazirliyinə müraciət edib.

Əli İnsanovun vəkili Ağaveyis Şahverdi bazar ertəsi Trend -a bildirib ki,  sabiq nazirlə bu gün Penitensiar Xidmətin Müalicə Müəssisəsində görüşüb.

İnsan Haqları üzrə Avropa Məkəməsi Azərbaycan hökumətinə İnsanovun müalicəsini təmin etmək, onu xəstəxanaya köçürmək və diaqnoz qoyulması üçün müstəqil tibbi ekspertlərin iştirakı ilə komissiya təyin etmək tələbi ilə məktub göndərib.

Avropa Məhkəməsi bu tələbin həyata keçirilməsi üçün Azərbaycan hökumətinə dekabrın 20-dək vaxt vermişdi.

Avropa Məhkəməsinin bu məktubundan sonra sabiq nazir Müalicə Müəssisəsinə köçürülüb.

Vəkil bildirib ki, sabiq nazir komissiyada həkim-ekspert  kimi təmsil olunacaq namizədlərini bu gün təqdim edib. Şahverdi qısa müddətdə komissiyanın tərkibinin formalaşdırılacağını deyib.

Həkim komissiyası, müayinənin nəticələrindən asılı olaraq, sabiq nazirin əməliyyat olunub-olunmayacağına qərar verəcək.

Ədliyyə Nazirliyinin Səhiyyə Baş İdarəsinin rəisi Rəfael Mehdiyev Trend -a bazar ertəsi bildirib ki, sabiq nazir komissiyanın formalaşması üçün tam tərkib vermədiyindən, bu iş ləngiyir.

Sabiq nazir onurgasındakı "yırtıqdan əziyyət çəkir.

Dövlət çevrilişinə cəhd, kütləvi iğtişaşlara hazırlığa görə 2005-ci ilin oktyabrında həbs olunmuş sabiq səhiyyə naziri Insanov 2008-ci ildə məhkəmənin hökmü ilə korrupsiya cinayətlərində təqsirli bilinərək, əmlakı müsadirə olunmaqla, 11 il müddətinə azadlıqdan məhrum edilib.

Məqalə müəllifi ilə əlaqə ünvanı:[email protected]

Xəbər lenti

Xəbər lenti