Respublikanın tanınmış fotojurnalistləridən biri, AzərTAc-ın Fotoinformasiya baş redaksiyasının baş redaktoru Oqtay Aydın oğlu Məmmədov ömrünün 58-ci ilində qəflətən vəfat edib. Bu barədə xəbəri AzərTAc yayıb.
1977-ci ildə Azərbaycan Dövlət Bədən
Tərbiyəsi İnstitutunu bitirən Oqtay Aydınoğlu
1990-cu ildən həyatını Azərinformla -indiki
AzərTAc-la bağlayıb. 1998-ci ildən agentliyin
Fotoinformasiya baş redaksiyasına rəhbərlik edib. Oqtay
Aydınoğlunun fotoları təkcə respublika
mətbuatında yayılmırdı. Xarici informasiya
agentlikləri də tez-tez ona müraciət edir,
müxtəlif mövzularda fotoşəkillər sifariş
edirdilər.
Oqtay Aydınoğlu "Əməkdar
mədəniyyət işçisi" fəxri adına və
"Tərəqqi" medalına layiq görülmüşdü.
Bu, onun peşəkarlğına verilən yüksək
qiymət idi.