Azərbaycan, Bakı, 16 oktyabr / Trend , muxbir H.Bağırov/
Qəsdən adam öldürməkdə və zorlamada ittiham olunan şəxsə 15 il həbs cəzası verilib.
Şəki rayonu Böyük Dəhnə kənd sakini 26 yaşlı Niyaməddin Yusifovun cinayət işi üzrə məhkəmə prosesi başa çatıb.
Trend -un məlumatına görə, cümə günü Ağır Cinayətlərə Dair İşlər üzrə Məhkəmədə Yusifova 15 il müddətinə azadlıqdan məhrum etmə cəzası təyin edilib.
İttihama görə, Yevlax rayonunun Hürüuşağı kənd sakini, 10-cu sinif şagirdi 15 yaşlı Nişanə Hüsənli yaşadığı evdə həmin kənddə çobanlıq edən Şəki rayonu Böyük Dəhnə kənd sakini 26 yaşlı Niyaməddin Yusifov tərəfindən ov tüfəngi ilə başından vurularaq qətlə yetirilib.
Qətldən sonra qaçıb qəbiristanlıqda gizlənən Yusifov Yevlax rayon Polis Şöbəsi əməkdaşları tərəfindən tutularaq istintaqa təhvil verilib.
Məlum olub ki, Yusifov 15 yaşlı qızı sevib, lakin o, qızdan sevgi cavabı ala bilməyib. Buna görə də Yusifov əvvəlcə qızı zorlayıb və daha sonra isə cinayətin izini itirmək məqsədilə onu qətlə yetirib.
Məqalə müəllifi ilə əlaqə ünvanı: [email protected]
