Azərbaycan, Bakı, 10 noyabr / Trend , muxbir K.Zərbalıyeva/
Azərbaycanın Sumqayıt şəhərində "Konstitusiya və biz" adlı test-müsabiqə keçirilib.
Sumqayıt Şəhər İcra Hakimiyyətindən çərşənbə axşamı Trend -a verilən məlumata görə, şəhər Gənclər və İdman Baş İdarəsi tərəfindən şəhər Təhsil Şöbəsilə birgə 12 Noyabr - Konstitusiya Günü münasibətilə "Konstitusiya və biz" adlı test-müsabiqənin birinci mərhələsi keçirilib.
Şəhər Təhsil Şöbəsinin akt zalında baş tutan müsabiqə orta ümumtəhsil məktəblərinin X-XI sinif şagirdləri arasında təşkil edilib.
Tədbirdə çıxış edən Baş İdarənin gənclərlə iş sektorunun aparıcı məsləhətçisi İ.Kərimov Təhsil Şöbəsilə birgə mütəmadi olaraq hər il keçirilən test-müsabiqənin mahiyyəti və vətəndaşlıq tərbiyəsində məktəblilərə Əsas qanunun mənimsənilməsinin əhəmiyyətindən danışıb. Baş İdarənin nəzdində "Sumqayıt Debat Klubu"nun sədri E.Musayeva isə müsabiqənin şərtləri haqqında məlumat verib.
Müsabiqənin nəticələrinə əsasən, N.Gəncəvi adına Texniki və Təbiət Elmləri Liseyinin XI sinif şagirdi Cavid Salahov, 12 saylı orta məktəbin XI sinif şagirdi Camal Məmmədov, 23 saylı orta məktəbin XI sinif şagirdi Ayşən Əlimərdanova, Təbiət Elmləri Təmayüllü Gimnaziyanın XI sinif şagirdi Nurlan Abasquluyev, 27 saylı orta məktəbin XI sinif şagirdi Elvin Səfərli və 30 saylı orta məktəbin XI sinif şagirdi Elsevər Bayramlı növbəti mərhələdə iştirak etmək hüququ qazanıb.
Məqalə müəllifi ilə əlaqə ünvanı: [email protected]
